ذكرى تعذبني ،، وذكرى تناديك

قصيده جديده
،، أتمنى أنها تحوز على رضاكم وأستحسانكم ،،



القصيده

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

مايذبح الأشواق ، غير التغلي
وأنت اللذي زودتها ، في تغليك




منهو يداوي علتي ، بس قلي
لاصرت ماقدر ، لا أشوفك ولا أجيك




سلبت قلبي ، ياحبيبي وعقلي
وأشغلت فكر أللي ، يحبك ويغليك




تدري وش اللي في غيابك ، حصل لي ؟
ذكرى تعاتبني ،، وذكرى تناديك




حتى معاليقي ،، من الشوق تغلي
معلوق يعذبني ،، ومعلوق يطريك




ماني فتيحي ، لا ، ولا بامجـــــلي
وأموال ما أملك ، علشان أغريك




لكني أملك قلب ، مخلـص لخــلي
قلب(ن) يبيع الكون ، ياصاح ويشريك




ماقد سكن في قلبك أنسان قبلي
وماقد سكن في قلبي واحد يساويك




أقرب من أنفاسي ، وعيني ، وظـــلي
أن جيت أحاكي غيرك ،، أغلط وأحاكيك




بأسم الهوى جيتك ، من الشوق كلي
أشعل قناديل الفرح ، وأحتفل فيك




ماهو لنا ، حب الدلع ، والتسلي
أبي أضمك حيل ، ياروح مغليك




وأنسى غياب العام ، وافرح بوصلي
جعل العوض ، فاللي يجي من لياليك




ببوح لك في شي ،، بس ألتفت لي
وخل الخجل بعدين ، والله يمديك




دام الدموع أللي ، في عينك من اجلي ؟؟
أبيع كل الكون ، ياصاح وأشريك




وقت التغلي راح ،، خله يولي
وتعال ضم أللي في بــعـــدك يحاتيك


‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

مع أحترامي وتقديري للشخصيات المذكوره فالقصيده ،،